Երևանը մարդկանց լույսերով է շնչում, ոչ թե փողոցների։ Հենց դա է, ըստ իս, ամենահրապուրիչը մեր քաղաքում: Եթե «ցերեկային» մարդ ես, գիշերը քեզ ֆիլմ դիտողի պես կզգաս, բայց չես լինի դրա մի մասը, իսկ հակառակ դեպքում դու ես ամեն ինչի տերն ու տիրակալը: Գիշերային Երևանն ուրիշ է։ Այստեղ կա մի շունչ, որ ցերեկները չես գտնի։ Գիշերը մարդիկ այլ են, տրամադրությունն ուրիշ է, սերն ու ջերմությունն էլ է տարբերվում: Այս ֆոտոշարքով փորձել եմ ցույց տալ Երևանի գիշերային «երազները»։ Պատկերներն ու պատկերներից ստացածս զգացողությունները սուբյեկտիվ են։ Հուսով եմ՝ ձեզ էլ կփոխանցվի երևանյան այս գեղեցիկ տրամադրությունը։
Հեղինակ՝ Արեգ Խաչատրյան, 12-րդ դասարան
Կիսվել