Ի՞նչ ֆիլմեր են խորհուրդ տալիս այբեցիները

Ֆիլմեր դիտելը ազատ ժամանակն անցկացնելու հիանալի միջոց է: Դրանք օգնում են ցրվել առօրյայի հոգսերից, բացահայտել նոր գաղափարներ, զարգացնել երևակայությունը, ինչպես նաև ֆիլմի հերոսների հետ ապրել մեկ այլ աշխարհում: Երբեմն դժվարանում ենք գտնել մեր տրամադրությանը, ժամանակին, սիրելի ժանրին համապատասխան ֆիլմեր: Ուստի որոշեցի հարցում կատարել այբեցիներից ու ձեզ ներկայացնել նրանց սիրելի ժանրերը և նախընտրած ֆիլմերը, որոնք կարող եք դիտել ազատ ժամանակ:

Դետեկտիվ

Շերլոկ Հոլմս (Sherlock Holmes)

Դետեկտիվ ժանրի ֆիլմերից թերևս լավագույններից են Շերլոկ Հոլմսի մասին պատմող ֆիլմերը: Դրանք օգնում են զարգացնել տրամաբանությունը, մանրուքներին ուշադրություն դարձնելու կարողությունը:

Էնոլա Հոլմս (Enola Holmes)

Շարունակելով Շերլոկ Հոլմսին՝ նրա քրոջ՝ Էնոլայի արկածներով լի կյանքի մասին պատմող այս ֆիլմը նույնպես դետեկտիվ ժանրի արագորեն սիրված ֆիլմերից է:

Դա Վինչիի ծածկագիրը (The Da Vinci code)

Ֆիլմում գլխավոր հերոսը պետք է բացահայտի սպանությունը՝ օգտվելով պատմա-կրոնական նշանակության սիմվոլներից և իրերից:

Դրամա/մելոդրամա

Թռիչք կկվի բնի վրայով (One flew over the Cuckoo’s nest)

Հոգեբանական նշանակության այս ֆիլմը բանտից հոգեբուժարան տեղափոխված Ռենդլ ՄակՄյորֆիի մասին է, որն ընդվզում է հոգեբուժարանի գլխավոր բժշկուհու սահմանած կանոնների դեմ և ցանկանում է«հեղափոխություն» մտցնել հիվանդների կյանքում։

Փոքրիկ տիկնայք (Little women)

Ֆիլմը պատմում է Մարչերի ընտանիքի չորս քույրերի մասին, որոնք ապրում են 1870-ական թթ Նոր Անգլիայում Ամերիկայի քաղաքացիական պատերազմի ժամանակ։

Կեսգիշերի արևը (Midnight sun)

Ֆիլմը պատմում է Քեթիի մասին, որն իր հիվանդության պատճառով ողջ կյանքում ցերեկները դուրս չի եկել: Շուտով նրա կյանքը փոխվում է:

Արկածային

Կարիբյան ծովի ծովահենները (Pirates of the Caribbean)

Ֆիլմ, որն անհնար է չսիրել և որից անհնար է հոգնել: Այն ունի 5 մաս: Բոլորն էլ արժե դիտել:

Ֆանտաստիկ գազաններ և որտեղ գտնել դրանց (Fantastic beasts and where to find them)

Ջոան Ռոուլինգի հերթական ֆենթեզի ժանրով գրված ստեղծագործության հիման վրա ստեղծվել է արկածներով լի այս ֆիլմը:

Այսքանն եմ առանձնացրել առաջարկված բազմաթիվ տարբերակներից: Հաճելի դիտում…

Հեղինե Ավագյան, 10-րդ դասարան

Կիսվել

Tag Blog Tag Բլոգ

Tweets by AybSchool
>