«Կանաչ քիմիա» ակումբի «Համով էներգիա թիմը» մասնակցեց «100 գաղափար Հայաստանի համար» մրցույթին

«Այբ» ավագ դպրոցի նախագծային ուսումնառության «Կանաչ քիմիա» ակումբի վմասնակցեց ՀՀ կրթության, գիտության, մշակույթի և սպորտի նախարարության նախաձեռնած «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթին գյուղատնտեսական գիտությունների անվանակարգում։

Հայտնվելով մրցույթի եզրափակիչ փուլում՝ թիմը ներկայացրեց իր նախագիծը՝ սննդային թափոններից բիոգազ և կոմպոստ ստանալու, դրանց կիրառական նշանակության մասին, ինչպես նաև սարքի նախնական մոդելը, որով նրանք պատրաստվում են հասնել վերոնշյալ նպատակներին։

Մրցույթին մասնակցում էին Հայաստանի 16-35 տարեկան երիտասարդներ ու հեղինակային խմբեր։

«Համով էներգիա» թիմի անդամները՝ Ինա Գրիգորյանը, Միլենա Գրիգորյանը, Վահե Մարտիրոսյանը և Հեղինե Ավագյանը, ստացել են կոմպոստի ստացման գործարաններ այցելելու հրավեր՝ տեղի ունեցող գործընթացներն ուսումնասիրելու համար։

Մի քանի վիճակագրական փաստ

2023 թվականին «100 գաղափար Հայաստանի համար» նորարարական նախագծերի և գիտատեխնիկական մշակումների համահայկական մրցույթի շրջանակում ներկայացվել է 66 հայտ՝ հետևյալ բաշխվածությամբ.

  • ֆիզիկամաթեմատիկական գիտություններ՝ 6 հայտ,
  • ճարտարապետական գիտություններ՝ 3 հայտ,
  • գյուղատնտեսական գիտություններ (նաև կենսաբանական գիտություններ)՝ 17 հայտ,
  • տեղեկատվական տեխնոլոգիաներ (նաև ռազմական գիտություններ)՝ 21 հայտ,
  • մանկավարժական գիտություններ՝ 19 հայտ:

Կիսվել

Tag News Tag Լուրեր

Tweets by AybSchool
>