Համագործակցությունը խթանելու և կրթական փորձի փոխանակման նպատակով «Այբ» դպրոցը հյուրընկալեց Գեղարքունիքի մարզի Գեղարքունիք համայնքի դպրոցի ուսուցչական թիմին և աշակերտներին: «Այբապատում» նախագիծը նպատակ ունի ընդլայնելու «Այբ»-ի կրթական արժեքները նրա պատերից այն կողմ և ներգրավելու մարզային դպրոցները:
«Այբապատում» նախագիծը կոչված է կամրջելու դպրոցների և համայնքների միջև անջրպետը՝ խրախուսելով կրթական արժեքների երկկողմանի հոսքը։ Գեղարքունիքի համայնքի դպրոցի թիմը մեկ ամբողջ օր անցկացրեց «Այբ» դպրոցում։ Հյուրերը մասնակցեցին տարբեր միջոցառումների, նաև ներկա եղան դասերին և համագործակցային նախագծերի պարապմունքներին: Այս գործնական փորձը թույլ տվեց Գեղարքունիքի աշակերտներին և ուսուցիչներին ընկղմվելու «Այբ»-ի եզակի կրթական առօրյայի մեջ:
Կիսվել